«Жүргізуші мас болған»: Өскеменде қоғамдық көлік жер үйге соғылды

Автобус жүргізушісіне қатысты әкімшілік хаттама толтырылды

Фото ашық дереккөзден

Өскемен қаласында автобус жер үйге соғылды. Бұл туралы ШҚО Полиция департаментінің баспасөз қызметі мәлім етті, деп хабарлайды Azattyq Rýhy.

Департамент мәліметіне сүйенсек, жол-көлік оқиғасы Мирный кентіндегі Мостовая көшесінде болған.

«Жүргізуші автобусты мас күйде тізгіндеген. Соның салдарынан рульді басқара алмай қалып, жер үйге соғылды. Жол апаты салдарынан үй тұрғыны жарақат алып, ауруханаға жеткізілді», - делінген хабарламады.

Белгілі болғандай, сол күні автобус рейске шықпағандықтан іште жолаушылар болмады.

Қоғамдық көлік жүргізушісіне қатысты ҚР ӘҚБтК-нің 608-бабының 3-бөлігімен әкімшілік хаттама толтырылды. Сот-медициналық сараптама тағайындалды.

Мақалада

#Өскемен #жол апаты #қоғамдық көлік #Мас автобус жүргізушісі

Алдыңғы жаңалық

Шығыс Қазақстанда мектеп оқушысы мен колледж студенті өзіне қол жұмсады