Астанада бір күнде 300-ге жуық жаяу жүргінші жауапкершілікке тартылды

Azattyq Rýhy

Жыл басынан бері қалада жаяу жүргіншіге қатысты 2 мыңға жуық құқықбұзушылық тіркелген

Фото: ашық дереккөзден

Нұр-Сұлтан қаласында бір күнде 300-ге жуық жаяу жүргінші жауапкершілікке тартылды, деп хабарлайды Azattyq Rýhy. 

"Елорда аумағында жаяу жүргіншілер қозғалысының қауіпсіздігін арттыру және жол қозғалысы ережелерін бұзудың жолын кесу мақсатында «Назар аударыңыз – жаяу жүргінші!» атты жедел алдын алу іс-шарасы өтіп жатыр. Апта сайын жұма күндері полиция қызметкерлері қала жолдарында жол ережесін бұзған жаяу жүргіншілерді анықтауда. Мәселен, бір күнде тәртіп сақшылары жаяу жүргіншілерге жол берген 296 құқықбұзушылықты анықтады. Сонымен қатар, күні бойы полицейлер маневр жасау ережелерін бұзудың 14 фактісін, тұраққа қою мен тұрақ ережелерін бұзудың 22 фактісін, бағдаршамның тыйым салынған белгісіне өтудің 4 фактісін және жаяу жүргіншілерге жол бермеген 2 жүргізушіні анықтады. Коммуналдық тұраққа 10 автокөлік қойылды", – делінген Полиция департаментінің хабарламасында.

Полиция қызметкерлері жедел алдын алу іс-шараларын өткізу кезінде басты назарды көлік жүретін бөліктің белгіленбеген жерлерінен өту, бағдаршамның тыйым салынған сигналына өту және тротуарда тоқтап тұру ережелерінің бұзылуына және т.б. аударуда.

Автокөлік жүргізушілерін тәртіпке келтіре отырып, полицейлер жаяу жүргіншілер өткелінен өту ережелерінің бұзылуын, жаяу жүргіншілер өткелінде жол беру талабының орындалмауын, аялдама және тротуарда тоқтату немесе тоқтап тұру ережелерінің бұзылуын мұқият қадағалайды.

Жүріс бөліктері мен аялдама пункттерінің қиылыстарында дауыс зорайтқыш арқылы халыққа жол жүрісі қағидаларының сақталуы туралы аудио хабарлау жүргізіледі.

×
Бұл желілік ресурстың ақпараттық өнімдері 18 жастан асқан адамдарға арналған.