Петропавлда адам өлтірді деген күдікпен 40 жастағы әйел ұсталды

Azattyq Rýhy

5 ақпан күні жылу трассасының құдығынан пышақ жарақаты салынған ер адамның мәйіті табылған

Фото: ашық дереккөзден

Петропавл полицейлері адам өлтірді деген күдікпен тұрғылықты жері жоқ әйелді ұстады, деп хабарлайды Polisia.kz. 

Бірнеше пышақ жарақаты салынған 30 жастағы ер адамның мәйіті 5 ақпан күні Брусиловский көшесіндегі жылу трассасының құдығынан табылды. 

Оқиға орнына Петропавл қалалық Полиция басқармасы жедел-тергеу тобының қызметкерлері барды. Жүргізілген тергеу амалдары арқылы қылмысқа тұрғылықты жері жоқ 40 жастағы әйелдің қатысы бары анықталды. Жедел-тергеу іс-шаралары шеңберінде бірер күн бұрын олар құдықтың ішінде спирттік ішімдікті ішіп отырғаны белгілі болды. 

Аталған факті ҚР Қылмыстық кодексінің 99-бабы 1-бөлігі (Адам өлтіру) бойынша Сотқа дейінгі тергеп-тексерудің бірыңғай тізіліміне енгізілді. Күдікті Петропавл қалалық Полиция басқармасының уақытша қамауда ұстау изоляторына қамалды.
 

×
Бұл желілік ресурстың ақпараттық өнімдері 18 жастан асқан адамдарға арналған.