СҚО-да көлікте қысылып қалған әйел құтқарылды

Azattyq Rýhy

Өңірде дауылды ескерту жарияланған болатын

Солтүстік Қазақстан облысында өрт сөндірушілер жол апаты кезінде көлікте қысылып қалған әйелді құтқарды, деп хабарлайды Azattyq Rýhy тілшісі Sputnik.kz сайтына сілтеме жасап.

Ресми мәліметке сәйкес, 15 қаңтарда Көкшетау-Рузаевка тас жолында Комаровка мен Антоновка ауылдарының арасында жол апаты болған. "Lexus пен Volkswagen Passat көліктері бетпе-бет соқтығысты. Соққының қатты болғаны сонша, Volkswagen-нің алдында отырған жолаушы әйел қысылып қалды. Оқиға орнына кезекші қарауыл барған. Олар есікті бұзып, аяғы қысылып қалған әйелді босатты. Одан кейін зембілге салып, жедел медициналық жәрдем мамандарына тапсырды", - делінген хабарламада.

44 жастағы әйел Есіл ауданынан Имантауға бара жатқан. Оны дереу Айыртау аудандық ауруханасына жеткізді.

Lexus пен Volkswagen Passat жүргізушілері қатты жарақат алған жоқ.

Айта кетері, күні кеше синоптиктер Солтүстік Қазақстан облысы бойынша дауылды ескерту жариялаған болатын. Облыста оңтүстік-батыстан соққан жер секундына 20 метрге дейін күшейеді. Ал түнде 23-28 метрге дейін соғады.

 
×
Бұл желілік ресурстың ақпараттық өнімдері 18 жастан асқан адамдарға арналған.