Қостанайлық жасөспірім саусағынан шықпай қалған сақинаны шешу үшін жедел жәрдем шақырған

14 қыркүйек түн ортасында 16 жастағы қостанайлық жедел жәрдем шақырып, саусағына таққан металл сақина шеше алмай жатқанын айтқан. Жігіттің саусағы ісіп, қызарып кеткен.

Белгілі болғандай, жас жігіт бұл сақинаны күні бойы саусағына тағып жүрген. Кешке қарай саусағы ісіп, ауыра бастаған.

Құтқарушылар 7 минут ішінде жігіттің саусағынан сақинаны шешіп алған. Операциядан кейін зардап шеккен адамға медициналық көмек қажет болмаған.

Құтқарушылардың айтуынша, мұндай жағдай биыл бірінші рет болып отырған жоқ.