Шымкент тұрғынының 100 млн теңге тұратын үйін сатып, алдап кеткен алаяқ ұсталды

Тексеру жұмыстары жүргізіліп жатыр

Фото: ашық дереккөзден

Шымкентте ірі көлемде несие шығарып беремін деп тұрғынның 100 млн теңге тұратын үйін сатып, алдап кеткен алаяқ ұсталды, деп хабарлайды Polisia.kz.

2021 жылдың 10 маусымында Шымкент қаласы Полиция департаменті Әл-фараби АПБ-на жергілікті тұрғын арызданған. Жәбірленушінің Б.есімді танысы ірі көлемде несие шығарып беремін деп алдап, өзіне тиесілі құны 100 000 000 теңге тұратын үйін несие шығарып бермей, үшінші тұлғаға рәсімдеп жібергенін жазып көрсеткен.

Шымкент қаласы ПД Әл-Фараби АПБ Криминалдық полиция бөлімінің қызметкерлері жедел-іздестіру іс-шараларын жүргізу барысында жергілікті тұрғынды анықтап, ұстады. Тексеру жұмыстары жүргізілуде.

Мақалада

#қылмыс #Шымкент #алаяқтық

Алдыңғы жаңалық

Қостанай облысында есірткі зертханасының иесі 15 жылға бас бостандығынан айырылуы мүмкін