ШұғылБір тәулікте Қазақстанда 7691 адамнан коронавирус анықталды

Төтенше жағдай кезінде Рудный дәрігерлеріне төленген үстемақыны қайтаруды талап еткен

Облыстық сот 2 дәрігердің пайдасына шешім қабылдады

Azattyq Rýhy / Батыржан Беспаев

Қостанай облыстық сотының төрағасы Анатолий Смолиннің төрағалығымен өткен апелляциялық алқа «Рудный қалалық көп бейінді ауруханасы» КМК-ның өтініші бойынша азаматтық істі қарау кезінде Қостанай облысы бойынша ішкі мемлекеттік аудит департаментінің ұйғарымын заңсыз деп тану туралы қағидатты басшылыққа алды.

Бақылаушы орган короновирус инфекциясымен күреске бюджет қаражатын пайдалану мәселесі бойынша жүргізілген тексеру шеңберінде іс материалдарынан «коронавирусқа қарсы күрес шеңберінде эпидемияға қарсы іс-шараларға тартылған Денсаулық сақтау жүйесінің қызметкерлерін қаржылық қолдаудың кейбір мәселелері туралы» Денсаулық сақтау министрінің 2020 жылғы 4 сәуірдегі бұйрығымен белгіленген дәрігерлерге негізсіз үстемақы төлеуге әкеп соққан еңбек заңнамасын бұзушылықтарды анықтағаны белгілі болды.

«Аудиторлық қорытындыға сәйкес, еңбек заңнамасының бұзылуы үстемақы төлеу дәрігерлерді ауыстыру және еңбек шартына өзгерістер енгізу туралы қайталанатын бұйрықтарсыз жүзеге асырылатындығында болды.

Тексеру қорытындысы бойынша аурухананың кірісіне 2 млн теңгеге жуық соманы қалпына келтіру туралы ұйғарым шығарылды, ол инфекциялық стационардағы жұмысы үшін екі дәрігерге үстемақы түрінде төленді. Шығарылған нұсқаманы орындаудың салдары - дәрігерлердің төленген үстемеақыны қайтаруы», - делінген хабарламада.

Қостанай облысының мамандандырылған ауданаралық экономикалық соты бақылаушы органның іс-әрекетін заңды деп таныды, нұсқаманың күшін жоюдан бас тартылды.

Сот алқасы аурухананың апелляциялық шағымы бойынша бұл істі қайта қарап, еңбек заңнамасының бұзылуы ресми сипатта болғанын анықтады. Дәрігерлер 2020 жылғы сәуір – тамыз айларында енгізілген төтенше жағдай және карантин режимінің қолданылуы кезеңінде стационарда іс жүзінде дәрігерлік қызметті жүзеге асырды.

Талап арызды қанағаттандыру туралы жаңа шешім шығарумен шешім жойылды. «Қостанай облысы бойынша ішкі мемлекеттік аудит департаментінің шағымданған бөлігіндегі ұйғарымының күші жойылды, тиісінше төленген үстемеақылар аурухананың кірісіне қайтарылуға жатпайды.