ШұғылҚазақстанда тағы 622 адамнан коронавирус анықталды

Шығыс Қазақстан облысында есірткі сататын жас қыз ұсталды

Бойжеткеннің пәтерінен құны 2 млн теңге болатын психотроптық заттар тәркіленді

 

Шығыс Қазақстан облысында алдын ала белгілі бір орындарға салып қою арқылы синтетикалық есірткі таратумен айналысатын жас қыз анықталды, деп хабарлайды Polisia.kz.

11 қаңтарда Есірткі қылмысына қарсы іс-қимыл басқармасының қызметкерлері облыс орталығында «скорость» және «мефедрон» психотроптық заттарын таратумен айналысқан 21 жастағы қызды ұстады.

Бойжеткен оңай олжаға кенелу мақсатында Өскемен қаласының аумағында психотроптық заттарды байланыссыз тәсілмен, яғни алдын ала белгілі бір орындарға қойып кету арқылы сатуды және ақысын қолма-қол ақшасыз алуды ұйымдастырмақ болған.   

«Ұстау барысында күдіктінің пәтерінен 650 рет қолдану дозасына тең 200 грамнан астам психотроптық заттар алынды, оның қара нарықтағы бағасы 2 млн теңгеден артық соманы құрайды, сондай-ақ есірткі дозаларын  орауға және өлшеуге арналған құралдар  тәркіленді», – деді ШҚО ПД бастығы Сағат Мадиев.