Елордада интимдік қызмет көрсеткен 14 қыз полицияға жеткізілді

Заңсыз жұмыс істеген 2 салон қызметін тоқтатты

Нұр-Сұлтан қалалық полиция департаменті жүргізген рейд барысында интимдік және боди массаж қызметін көрсеткен тұлғалар анықталды.

Шара барысында елордадағы «Резидент» және «Thai Boss» коттедждерінде интимдік және боди массаж қызметі ұсынылғаны анықталды. Осылайша, полицияға 14 қыз бен 1 салон әкімшісі жеткізілді.

Ұсталған қыздардың барлығы елордаға ақша табу үшін Қазақстанның басқа өңірлерінен келген. Полицияға жеткізілгендердің барлығы ҚР Әкімшілік құқық бұзушылық туралы кодексінің 425-бабы бойынша жауапқа тартылды. Заңсыз жұмыс істеген салондар қызметін тоқтатты.

×
Бұл желілік ресурстың ақпараттық өнімдері 18 жастан асқан адамдарға арналған.