Қызылорда облысында ұйымдасқан қылмыстық топ ұсталды

Олар бюджетке 776 млн теңге көлемінде залал келтірген

Фото: qaz.neonomad.kz

Қаржы мониторингі комитетінің Қызылорда облысы бойынша Экономикалық тергеу департаменті «СТОП ОБНАЛ» шарасы аясында, ұзақ уақыт бойы іс жүзінде жұмыстарды орындамай, қызмет көрсетпей, тауарларды тиеп-жөнелтпей жалған шот-фактураларды жазумен айналысқан қылмыстық топты құрықтады.

Алдын ала есеп бойынша бюджетке келтірілген залал көлемі 776 млн теңгені құрап отыр.

Қызылорда облысы бойынша Экономикалық тергеу департаменті ҚР Қылмыстық кодексінің 262-бабы 1,2-б. бойынша (қылмыстық ұйымды, ұйымдасқан топты құру, оны басқару және оның қызметіне қатысу) қылмыстық топтың басшысы және оның қатысушыларына қатысты сотқа дейінгі тергеуді бастады.