Павлодарда интим-массаж жасаумен айналысқан қыздар ұсталды

Павлодарлық полицейлер массаж жасаймыз деп интимдік қызмет көрсеткен екі қызды ұстады, деп хабарлайды Polisia.kz.

Тәртіп сақшыларының назары интернет арқылы клиент іздеген массаж шеберлеріне ауған. Оларды тексеру кезінде қыздардың интим-массажын жасаумен айналысатыны анықталды.

«Олар интернетте өз қызметінің бағасын көрсетіп, клиент іздеген. Қызметінің 1 сағатын 25 мың теңге деп бағалапты. Ұсталғандардың бірі ШҚО тумасы (30 жаста) болса, екіншісі Алматыдан келген 31 жастағы әйел», - деді облыстық криминалдық полиция бастығының міндетін атқарушы Денис Лоскутов.

Массаж шеберлеріне қатысты заңнама талаптарын бұзғаны үшін ҚР ӘҚБтК-нің 449 және 492-баптары бойынша әкімшілік іс қозғалды.