Қосшыда «Нұра-Есіл» каналына шомылған 10 жасар бала суға батып, қаза тапты (ВИДЕО)

Астана түбіндегі Қосшы қаласында 10 жасар бала суға ағып, мерт болды, деп хабарлайды Azattyq Rýhy.

Ақмола облысының төтенше жағдайлар министрлігі осы оқиғаға байланысты шұғыл видеоүндеу жазып, ата-аналарды сақтыққа шақырды.

«Қосшы қаласында қайғылы оқиға орын алды. Нақтырақ айтқанда, Нұра–Есіл каналында 10 жастағы бала суға батып кетті. Бұл су айдыны шомылуға арналмаған, аумағында тыйым салатын белгілер орнатылған», - дейді облыстық төтенше жағдайлар департаментінің ресми өкілі.

Баланың денесін Астананың құтқарушылары алып шыққан.