Өскеменде көпқабатты үйдің шатырынан секіргісі келген адамды тұрғындар байқап қалған (ВИДЕО)

Қала тұрғыны 9 қабатты үйдің шатырына шығып кетіп, секіргісі келген, деп хабарлайды Azattyq Rýhy.

Оны байқап қалған куәгерлер дереу полицияға хабарласқан. Тексеру барысында Серікбаев көшесіндегі 9 қабатты үйдің шатырында тұрған облыстың 37 жастағы тұрғыны екені анықталды.

Сақшылар тұрғынмен сөйлесіп, оны райынан қайтарып, жерге түсіріп алды.

Одан кейін ол қажетті медициналық көмек көрсету үшін жедел жәрдем бригадасына тапсырылды.

Аталған факті бойынша «Өзін-өзі өлтіруге дейін жеткізу» бабы бойынша сотқа дейінгі тергеу басталды.