Қосшыда биші әйелге күш көрсеткен ер адамның ісін полиция қарап жатыр

Қосшы қаласындағы мейрамханада биші әйелге шабуыл жасаған ер адамның әрекетін полиция қарап жатыр, деп хабарлайды Azattyq Rýhy.

Бұған дейін ер адамның той үстінде биші әйелге күш көрсеткен видеосы тараған еді.

«Факт тіркелді, қазіргі уақытта оқиғаның мән-жайы анықталып жатыр», - деді полиция баспасөз қызметінен.

Әлеуметтік желіде кадрларда ер адамның әйелді қолынан ұстап, дөрекі түрде есіктен шығарып жібергені көрінеді. Жәбірленуші арызданғанын мәлімдеген.

Ол өзінің жалғызбасты ана екенін, осы кәсібі арқылы үш баласын асырап отырғанын айтты. Бишінің сөзінше, мас ер адам оны билеп тұрған жерінде қолынан ұстап алып, жұлқылап, өміріне қауіп төндірген.