Қазақстанда 28 мың адам пневмония диагнозымен стационарда жатыр

Қазақстан бойынша дәл қазір 28 мың адам пневмониямен ауырып жатыр. Бұл туралы Денсаулық сақтау вице-министрі Ажар Ғиниятқызы мәлім етті.

Бірақ, осы 28 мың адамнан коронавирус инфекциясы табылмаған.

«Бізден пневмония статистикасы туралы жиі сұрайды. Бүгін ел бойынша станционарларда ПТР нәтижесі теріс пневмониямен 28 мың пациент ем алуда. Олардың 98,9%-ның жағдайы орташа ауыр деп бағаланады. 330 адамның жағдайы ауыр», - деп мәлім етті ол.

Бұдан өзге, елде қауіпті вируспен және тұмаудың әр түрімен ауырып жатқан 4 мыңнан астам адам тіркелген. Естеріңізге сала кетейік, биыл маусым айында Қазақстанда 600-ден астам адам осы пнемония, яғни, өкпенің қабынуынан көз жұмды.

Кенжекей Тоқтамұрат, Нұр-Сұлтан