Биткоин тарихи рекордын жаңартты

Azattyq Rýhy

Ресейлік сарапшы биткоин құнының бірден өсу себебін түсіндірді

Фото ашық дереккөзден

Биткоиннің иарихи максимумдарға дейін өсуі криптовалютаға алғашқы биржалық инвестициялық қордың (ETF) сауда-саттығының басталуымен байланысты. Бұл туралы Amarkets аналитикалық бөлімінің басшысы Артем Деев "Известияға" берген сұхбатында айтты.

"Биткоиннің тарихи биіктерге дейін өсуі криптовалюта үшін алғашқы ETF сауда-саттығының басталуымен байланысты. Ұзақ құлдырау мен тоқырау кезеңінен кейін криптовалюталардың қуатты өсу драйвері пайда болды, бұл инвесторлардың бұрын-соңды болмаған қызығушылығын тудырды", - деп түсіндірді ол.

Сарапшы соңғы айда биткоин құнының 60%-ға өскенін, ал бүгін 66 мың доллардан жоғары көтерілгенін атап өтті.

Деев сонымен қатар негізгі криптовалютадан кейін басқа активтердің де құны өсіп келе жатқанын тілге тиек етті. Мысалы, Ethereum 4 мың доллардан жоғары көтеріліп, тарихи максимумға жақындады.

11 қазанда криптовалютаның бағасы мамыр айынан бері алғаш рет 57 мың доллардан жоғары болды. Бірнеше күн бұрын биткоиннің құны 5,22% - ға өсіп, 50 227 долларға жетті.

×
Бұл желілік ресурстың ақпараттық өнімдері 18 жастан асқан адамдарға арналған.