Қазақстанда алғаш рет Disney-дің «Жұлдыздар шеруі» TV-форматта көрсетіледі

Disney киностудиясы түсірген анимациялық фильмдердің сүйікті музыкаларын және ең үздік сәттерін 27 желтоқсанда «Астана» телеарнасынан кешкі сағат 17:00-де көруге болады.

Тек Сіздер үшін Қазақстанның танымал әншілері – Данияр Өтеген, Данияр Өтеген, Адам, Кентал, Данэлия Тулешова, Ерден Жақсыбек, Жарқынай Ханайым, Балжан Бидаш, Берік Бердекеев, Әбілқайыр Жұмабай және Наргиз Кудренова үлкен симфониялық оркестрдің сүйемелдеуінде Disney мультфильмдеріндегі ең сүйікті әндерді қазақша орындайды.

Атап айтқанда, «Сұлу мен Құбыжық»/«Красавица и Чудовище», «Мулан», «Аладдин», «Арыстан Патша»/«Король Лев», «Покахонтас», «Моана», «Ханшайым мен құрбақа»/«Принцесса и лягушка», «Зверополис», «Су перісі»/«Русалочка», «Рапунцель», «Мұзды өлке»/«Холодное сердце» секілді анимациялық фильмдердің саундтректері шырқалады.

Киноконцерт балаларды жанды музыканың керемет әлемімен таныстырады. Эльза, Анна, Белл, Аладдин, Симба және басқа да сүйікті кейіпкерлер балалардың классикалық әуенге қызығушылығын оятары анық.